【Emily】同心同根活動 青少年制服團隊步操有中有英
[2022.08.22] 發表
【明報專訊】為慶祝香港特區成立25周年，「同心同根會」噚日舉行首次大型活動，13個青少年制服團隊聯同7個紀律部隊青少年團體等，喺維園搞嘉年華，唔同嘅制服團隊亦設置攤位，畀市民一齊玩。下晝有大型步操檢閱環節，大會司令官用中式口令，部分制服團隊例如青少年軍、海關青年領袖團都有用中式步操，其他多沿用英式步操，包括歷史最悠久嘅童軍。
自2002年開始，香港各青少年制服團體已經有一齊籌辦大型內地交流活動「同心同根萬里行」，希望透過到內地考察加深青少年對中國歷史同文化嘅認識。而今年成立、由前特首梁振英夫人唐青儀同埋其他制服團體長官牽頭嘅「同根同心會」係一個常設平台，目的係管理及統籌兩地交流活動。梁唐青儀致辭時話，希望活動可以畀青少年認識祖國，同內地青年建立友誼。
更多港聞
相關新聞
