【Emily】賣月餅撐民主黨3子 楊雪盈到場幫襯
[2022.08.08] 發表
【明報專訊】民主黨多名前議員捲入「35+初選案」，其中胡志偉、尹兆堅同林卓廷三子被還押已超過一年半，近期其團隊喺旺角一個市集寄賣月餅、手打麵同辣椒醬，收益用作支持獄中3人。灣仔區議會前主席楊雪盈前日都有到場幫襯支持，佢話阿媽指定要月餅、辣椒醬同麵，而佢自己就鍾意一款蜂蜜酒。根據3人嘅facebook，佢哋嘅攤檔仲接受消費券付款。
親友就幫尹兆堅喺facebook出帖話，阿尹已還押524日，當中已隔兩個寒暑，阿尹進出探訪室、法庭、監獄，面對一浪接一浪嘅審訊，唔知之後會點，唯一能做嘅只有繼續撐住。
有糖尿病人伙食 陳榮泰「身體好咗」
因煽惑他人參與前年七一集會罪成嘅東區前區議員陳榮泰早前被判囚15個月，坐監差唔多「滿月」。其親友喺陳榮泰嘅fb出帖話，獄中飲食有針對糖尿病人餐單，引述陳榮泰話身體反而好咗，而今次入獄令佢更明白親人嘅重要，畀咗個機會佢去掛念親人。
更多港聞
【Emily】藝術家與學生設計 東鐵藝術列車起行
【明報專訊】港鐵同香港青年藝術協會合作，聯同本地藝術家鄭健業及黃鼎豐，仲有喺東鐵線沿線讀書嘅中小學生，一齊創作「東鐵綫•Fun紛藝術」列車，... 詳情
【Emily】民建聯30周年活動 設250街站派口罩
【明報專訊】新冠疫情反覆，大家莫掉以輕心。民建聯噚日開始「三十周年獻愛心 百萬口罩齊抗疫」活動，喺全港設置逾250個服務站，向市民派發一套1... 詳情
相關新聞
