【Emily】民建聯30周年活動 設250街站派口罩
[2022.08.08] 發表
【明報專訊】新冠疫情反覆，大家莫掉以輕心。民建聯噚日開始「三十周年獻愛心 百萬口罩齊抗疫」活動，喺全港設置逾250個服務站，向市民派發一套10個裝嘅醫用級口罩，呼籲市民齊心抗疫，同時呼籲政府已經畀6個月大至3歲嬰幼兒接種疫苗等信息。
民建聯發新聞稿，話口罩係由香港再出發大聯盟共同發起人劉娟捐贈，共350萬個。活動啟動儀式噚日喺堅尼地城舉行，大聯盟秘書長、民建聯會務顧問譚耀宗，民建聯副主席陳學鋒及民建聯秘書長王舜義等都有出席。
譚耀宗喺現場呼籲，雖然新冠病毒傳播力減弱、重症個案減少，但市民必須繼續警惕，做好保護自己嘅措施。民建聯成員噚日分頭喺多區派口罩，主席李慧琼就同九龍城和黃大仙團隊成員一齊喺當區派口罩(圖一)。
更多港聞
相關新聞
