【Emily】慳電唔夠超英錦星鬥 謝展寰話會開冷氣
[2022.07.25] 發表
【明報專訊】天氣持續酷熱，唔少人喺室內都會開冷氣，環境及生態局長謝展寰接受本報訪問時，被問到會唔會好似前環境局長黃錦星同天文台前台長林超英咁，即使炎炎夏日都唔會開冷氣？謝sir話無諗過要鬥慳電，亦承認唔夠佢哋鬥，佢諗咗幾秒再話，無佢哋咁積極，會貼近一啲正常人嘅生活，會開冷氣，但都可以選購節能電器，例如LED燈具同變頻式冷氣，做到節能減碳，抵消電費升幅。
謝sir又話以前不時行山，近來無乜點行。佢話環境及生態局至今仲未有副局長同政治助理，一個人做三個人嘅嘢，仲要睇埋食環署，上任大半個月以來生活好充實，希望遲啲可以抽多啲時間行山。
34.9℃下家中工作
林超英開小風扇唔覺辛苦
林超英過去不時會同黃錦星比併慳電，兩人都唔使點交電費，林超英噚日喺社交網站發帖，話喺家中用電腦工作，以一部直徑15厘米嘅USB小風扇製造氣流，相對濕度約60%，唔覺得辛苦。佢並上載一張相，顯示其工作環境嘅溫度達34.9℃，電腦旁邊有一把小風扇，證明佢無開冷氣。有網民表示respect，亦有人留言「選擇繼續開冷氣」。
更多港聞
【Emily】民記唔可能變反對黨 曾鈺成：基因係咁樣
【明報專訊】民建聯噚日舉辦書展座談會，立法會前主席、民建聯創黨主席曾鈺成，全國人大常委譚耀宗等都有出席。曾鈺成提到擔任立法會主席11年，不時... 詳情
【Emily】貼港華年代長髮相 莫乃光：四十幾年前 夠傳統啦
【明報專訊】中五學生林澤駿因為挑戰學校「髮禁」，線上線下都一石激起千層浪。前資訊科技界議員莫乃光（Charles）都有加入討論，貼番自己喺香... 詳情
【Emily】康文署網上頻道設兒童專頁 睇片學參觀博物館禮儀
【明報專訊】夏日炎炎唔想出街嘅話，留喺屋企都可以有好多親子學習活動。康文署喺網上文康資訊學習平台「寓樂頻道」推出咗兒童專頁，整合咗適合細路仔... 詳情
八大7校國安教育納課程 港大未覆 中大科大下學年推國安課 同列必修
【明報專訊】《港區國安法》實施逾兩年，全港學校陸續推展國安教育。本報向8間資助大學查詢今明兩學年國安教育安排，綜合回覆所得，中大及科大下學年... 詳情
相關新聞
