【Emily】貼港華年代長髮相 莫乃光：四十幾年前 夠傳統啦
[2022.07.25] 發表
【明報專訊】中五學生林澤駿因為挑戰學校「髮禁」，線上線下都一石激起千層浪。前資訊科技界議員莫乃光(Charles)都有加入討論，貼番自己喺香港華仁書院讀緊中四時嘅「長毛飛」相(左圖)，頭髮及頸遮晒耳仔。Charles話諗番嗰個係比較包容嘅年代，反問：「四十幾年前，夠傳統啦啩？」Charles仲hashtag「大汗因為以前無冷氣」，不點名潤一潤提出男學生因較大汗要剪短頭髮嘅教聯會立法會議員鄧飛。
QC仔梁繼昌
憶盧寵茂「執法」標準
會計界前議員梁繼昌(Kenneth)都有貼出中六時嘅學生look相(右圖)，雖然頭髮無Charles咁長，但兩邊鬢髮都遮耳仔。Kenneth話，當時呢個係皇仁書院訓導老師嘅容忍極限，那時高一屆嘅副總領袖生盧寵茂都執住呢個長度「執法」，呢個標準都可以畀同學仔緊貼潮流。Kenneth話，「各讓一步，大家好做」。
更多港聞
【Emily】康文署網上頻道設兒童專頁 睇片學參觀博物館禮儀
【明報專訊】夏日炎炎唔想出街嘅話，留喺屋企都可以有好多親子學習活動。康文署喺網上文康資訊學習平台「寓樂頻道」推出咗兒童專頁，整合咗適合細路仔... 詳情
八大7校國安教育納課程 港大未覆 中大科大下學年推國安課 同列必修
【明報專訊】《港區國安法》實施逾兩年，全港學校陸續推展國安教育。本報向8間資助大學查詢今明兩學年國安教育安排，綜合回覆所得，中大及科大下學年... 詳情
相關新聞
