【Emily】民記唔可能變反對黨 曾鈺成：基因係咁樣
[2022.07.25] 發表
【明報專訊】民建聯噚日舉辦書展座談會，立法會前主席、民建聯創黨主席曾鈺成，全國人大常委譚耀宗等都有出席。曾鈺成提到擔任立法會主席11年，不時有人向佢忠告，「你哋(民建聯)唔好再支持政府啦」，但佢就清楚表明「民建聯就係支持特區政府依法施政」。曾鈺成話：「你可以話呢個係我哋使命又得、基因係咁樣，我哋唔可能成為一個反對黨。」
佢又話，做立法會主席時觀察到，建制派議員出發點係支持政府，「我哋嘅前設就係政府一定做緊好事」，因此監督政府嘅方式，就係研究點樣令政府再做好啲；反之「反對派心態就唔係，佢假設政府一定做壞事，睇少佢(政府)一眼就會作惡」，於是令人有感民建聯對政府唔夠批判性。譚耀宗就提到點解反對派「愈嚟愈激」，話「因為『激』容易啲吸引傳媒，另外有啲後生嘅，覺得搞嚟搞去冇乜結果，一定要搞激啲，變咗有一幫人就去傾向呢個……咁其他本來唔係好激，就無辦法，為勢所迫，要跟住佢激」。
更多港聞
【Emily】貼港華年代長髮相 莫乃光：四十幾年前 夠傳統啦
【明報專訊】中五學生林澤駿因為挑戰學校「髮禁」，線上線下都一石激起千層浪。前資訊科技界議員莫乃光（Charles）都有加入討論，貼番自己喺香... 詳情
【Emily】康文署網上頻道設兒童專頁 睇片學參觀博物館禮儀
【明報專訊】夏日炎炎唔想出街嘅話，留喺屋企都可以有好多親子學習活動。康文署喺網上文康資訊學習平台「寓樂頻道」推出咗兒童專頁，整合咗適合細路仔... 詳情
八大7校國安教育納課程 港大未覆 中大科大下學年推國安課 同列必修
【明報專訊】《港區國安法》實施逾兩年，全港學校陸續推展國安教育。本報向8間資助大學查詢今明兩學年國安教育安排，綜合回覆所得，中大及科大下學年... 詳情
相關新聞
