【Emily】NGO與聯國溝通違國安法否 港府：視情况
[2022.07.13] 發表
【明報專訊】《港區國安法》有域外效力，搞到聯合國人權事務委員會一班外國專家都緊張，連續三日會期審議香港人權狀况期間，幾乎日日都問港府，到底向聯合國提供意見嘅非政府組織(NGO)，會唔會違反國安法呢？專家唔滿意港府之前答覆，噚日再問港府官員，其實聯合國人權事務委員會等機構，算唔算《社團條例》下定義「外國政治組織」，導致非政府組織同「外國政治組織」往來會變成犯法？
保安局副秘書長廖李可期就重申，正常國際交流受《基本法》保障，但非政府組織同聯合國溝通會唔會有問題，就要視乎事實、情况同組織所涉活動，唔可以一概而論。
人權委會主席：希望唔會秋後算帳
委員會主席帕扎爾奇茲總結時再次提醒，希望同聯合國接觸嘅非政府組織唔會被秋後算帳。佢又話今次審議主要圍繞國安法影響，提醒喺民主社會，唔應該不當限制言論自由、表達自由、參政自由及政治多元。
更多港聞
【明報專訊】李家超噚日正式公布同立法會議員溝通嘅「前廳交流會」嘅細節，今日首次舉行嘅交流會喺朝早9點15分開始，分3節舉行，佢話會以身作則，...
詳情
【Emily】議員陳紹雄染疫 鄰座洪雯可如常活動
【明報專訊】再有立法會議員感染新冠病毒，立法會選委會界別議員陳紹雄（圖）噚日朝快速測試呈陽性，佢同Emily講，已經上報衛生署快測平台，佢話... 詳情
恒大一成教員離職 校長稱不值得擔心 指移民者不多 不見師生信心危機
【明報專訊】移民潮下或現師生流動。香港恒生大學校長何順文表示，校內較少學生流失，在230人的教員團隊中，今學年約一成教員共23人離職，當中約... 詳情
相關新聞
