【Emily】議員陳紹雄染疫 鄰座洪雯可如常活動
[2022.07.13] 發表
【明報專訊】再有立法會議員感染新冠病毒，立法會選委會界別議員陳紹雄(圖)噚日朝快速測試呈陽性，佢同Emily講，已經上報衛生署快測平台，佢話目前徵狀輕微，正在居家隔離。立法會秘書處噚晚公布，陳紹雄最近返回立法會係喺7月11日，到過會議室3及506室，其議員辦事處嘅職員快速檢測結果全部呈陰性。
陳紹雄前日返回立法會時，曾出席環境事務委員會及發展智慧城市事宜小組委員會兩個會議，並在會上發言，全程戴口罩。坐喺陳紹雄隔籬位嘅係選委會界別洪雯，洪雯同Emily講，自己每日出門前會做快速測試，噚日朝早檢測結果為陰性。洪雯話，由於開會期間都戴上口罩，所以就算坐喺陳紹雄旁，佢都未被列為密切接觸者，可如常工作及活動。
更多港聞
恒大一成教員離職 校長稱不值得擔心 指移民者不多 不見師生信心危機
【明報專訊】移民潮下或現師生流動。香港恒生大學校長何順文表示，校內較少學生流失，在230人的教員團隊中，今學年約一成教員共23人離職，當中約... 詳情
相關新聞
