【Emily】港傳媒人海外組團隊 「綠豆」拍片記移英故事
[2022.07.08] 發表
【明報專訊】過去幾年，香港人帶住唔同原因遠走他方，一群身處海外嘅香港傳媒工作者就組成「綠豆」，繼續拍攝、記錄香港人嘅故事。「綠豆」團隊喺facebook以「記當下 再萌芽」為題自我介紹，話團隊身處海外亦可創造平台，「在新的土壤裏重新播種」，而取名「綠豆」嘅寓意係即使大樹倒下，甚至被連根拔起，種子仍會散落四周，只要有水同空氣，繼續拚命呼吸，種子就會再萌芽，茁壯成長。
暫3節目網上播
該網上平台暫時有3個節目，分別係《記．香港人》、《兩邊走走》同《破土》，分別逢周三、周五、周六播放，其中《記．香港人》記錄移居英國港人嘅故事，首季有9名受訪者，首集喺香港時間前晚播出，受訪者係電影《十年》導演之一伍嘉良，節目由佢點解移民、點開始拍片、點解拍攝《十年》裏面嘅單元《本地蛋》，講到佢去英國嘅生活、想法。佢喺節目分享，港人離開香港唔係開展美好生活或美好前途，而係有啲好想做嘅嘢，帶到英國繼續做。
《記．香港人》之後嘅受訪者仲有港大法律學院前公法講座教授陳文敏、香港公共醫療醫生協會前會長馬仲儀、前職工盟總幹事蒙兆達等。至於另外兩個節目，今日首播嘅《兩邊走走》係探討香港同英國嘅一周大事、熱話，聽日播出嘅《破土》係文字同漫畫專欄，團隊介紹係想喺充滿未知同不確定嘅環境下，繼續探索社會議題，畀各方聲音存在。
更多港聞
【Emily】聽習一言心一暖 房屋局長何永賢夢繞一字：快
【明報專訊】由社區組織協會營運、預計約有200伙嘅「荃灣油麻磡路組合社會房屋項目」噚日下晝舉行動土禮，房屋局長何永賢有份主持儀式，佢致辭時話... 詳情
【明報專訊】西貢斬竹灣連接大網仔路一條倔頭路，地政總署原先建議取名「誌遠路」（Chi Yuen Road），取抗日烈士碑園對面嘅「慎終追遠」...
詳情
【明報專訊】政府新班子部分副局長同政治助理人選仲未揭盅。都會大學校長林群聲噚日見傳媒時，有記者話有傳佢加入特首李家超新班子，問佢到底有冇收到...
詳情
【Emily】煤氣公司、教育城合辦 冠軍獎金10萬 環保智慧能源大賽 問策中小學生
【明報專訊】為培養下一代嘅環保意識，煤氣公司同教育城合辦首屆「綠火焰計劃——環保智慧能源大賽」，希望中小學生透過拍片及匯報，設計全新嘅智慧能... 詳情相關新聞
