【Emily】被問入仕否 都大校長：仲有位咩？
[2022.07.08] 發表
【明報專訊】政府新班子部分副局長同政治助理人選仲未揭盅。都會大學校長林群聲噚日見傳媒時，有記者話有傳佢加入特首李家超新班子，問佢到底有冇收到邀請、會唔會做副局長，佢就笑住反問：「仲有位咩？你收到消息咩？」
林群聲噚日介紹多項都大學術發展新猷，其間被問點樣保持都大競爭力，佢強調「(都大)做好自己之餘，仲要畀人知做得好」，打趣話𠵱家好多人唔了解都大，又同Emily講笑話，「𠵱家坐的士去都會大學，10個有9個都知，但第10個要諗一諗先記得，而第11個就會問『乜有間新大學咩？』」
上月通過改校訓
佢又提到，都大校董會上月通過將校訓「公誠毅樸 開明進取」改為「勵學致遠 敬慎日新」，意思係大學着重發憤學習同有所作為，亦強調努力不懈、持續提升個人品德。
更多港聞
【Emily】煤氣公司、教育城合辦 冠軍獎金10萬 環保智慧能源大賽 問策中小學生
【明報專訊】為培養下一代嘅環保意識，煤氣公司同教育城合辦首屆「綠火焰計劃——環保智慧能源大賽」，希望中小學生透過拍片及匯報，設計全新嘅智慧能... 詳情
【明報專訊】中大學生會去年10月7日宣布解散。事隔9個月，8間書院學生會昨日宣布成立工作小組，探討重新成立中大學生會的可能。召集人之一、伍宜...
詳情
相關新聞
