【Emily】囝囝父親節畫卡 祝陳學鋒生髮
[2022.06.20] 發表
【明報專訊】噚日父親節，多名已做咗爸爸嘅立法會議員都有禮物收，民建聯陳學鋒同西九新動力梁文廣分別收到囝囝送嘅畫作。陳學鋒喺facebook話一起身就收到「父親節」禮物，擺出一副心心眼樣，睇相禮物係一條領呔同一張心意卡，囝囝仲好鬼馬咁祝爸爸「生多啲頭髮」，仲要畫火柴人生髮前後對照(圖)。
仔女買蛋糕 狄志遠自煮
新思維狄志遠就父親節都要煮飯畀家人食，仔女只喺買咗個蛋糕，但為人父多年，佢似乎甚有感悟，「其實做老豆，最緊要覺得有存在感」，佢煮飯就唔使嗌外賣，大大提高家人嘅開心度，令父親節更美麗。
民建聯顏汶羽舊年做爸爸，今年係佢首個父親節。佢話𠵱家更知道為人父親嘅心情，同埋生活與工作平衡唔容易，藉此機會向所有為家庭、為仔女操勞嘅父親致敬！
更多港聞
【Emily】與何秀蘭聚餐 黃碧雲：要敬佢一杯
【明報專訊】因煽惑參與遊行等案入獄嘅立法會前議員何秀蘭（Cyd，右）月中刑滿出獄後，唔少政圈好友都有約佢聚聚。立法會前議員黃碧雲（左）日前都... 詳情
港大經管新課程跨科解難 從打擊黃牛到公司日常運作
【明報專訊】港大經管學院新學年推出理學士（營銷分析及科技）課程，副總監范亭亭表示，大數據分析對於演唱會門票發售、商業機構日常運作等有舉足輕重... 詳情相關新聞
