【Emily】前區議員林子琼退民主黨 感謝老廷畀機會
[2022.06.17] 發表
【明報專訊】北區前區議員林子琼去年宣誓前辭職，噚日喺facebook公布退出民主黨，不再隸屬任何政治組織。佢噚日喺fb回顧自2015年夏天因學校實習計劃而認識民主黨林卓廷，之後做地區工作量血壓，再到參選，佢話「所以今鋪真係要感謝黨！還要感謝過去鼓勵和打擊我的你們，感謝那些被我激怒但沒有踩死我的人」。
林子琼2019年區選喺民建聯老巢北區「彩園」勝出，打敗嘅除咗有該區原議員民建聯蘇西智，仲有民主黨前成員黃成智。林子琼噚日喺fb記錄呢幾年喺北區嘅點滴，例如「有一次被藍絲欺負了結果一班街坊和義工看到facebook後不約而同地集結在了門外想要來趕走騷擾的人」，佢話當時望向窗外真係好感動。
佢亦提到，一開始加入政黨只係為咗要成為北區黨團嘅一部分，後來佢漸漸意識到這並唔能夠成為佢加入一個組織嘅初衷，「因為我加入只是為了要做什麼，可是卻少了一個為什麼」。佢話因此更多謝「老廷」(林卓廷)畀機會同資源，令佢喺工作中減輕咗好多辛苦同負擔，令佢比同樣喺社區耕耘嘅同行幸運同輕鬆得多，同很多人建立咗有意義嘅連結。
更多港聞
【Emily】曾自言民主派 黃偉信加入「新方向」
【明報專訊】立法會新界北議員張欣宇所屬政團「香港新方向」（新方向），最近有新嘅工作方向，積極招攬專業人士加入，去年參選立法會工程界落敗嘅工程... 詳情
【明報專訊】特首離任後會獲政府提供「前任行政長官辦公室」支援行政工作，過去3任特首董建華、曾蔭權同梁振英都有呢個安排，佢哋嘅辦公室同樣設喺一...
詳情
【明報專訊】順豐速運日前公布，因應內地防疫管控政策，所有寄往內地嘅快件到達後要靜置7日消毒處理，Emily向順豐職員查詢，獲告知所有寄往內地...
詳情
【明報專訊】理大學生會繼今年4月被勒令停用校名、遷離學生會大樓，近日改名「紅磚社」（Red Brick Society），不少學生會組織先後...
詳情
相關新聞
