【Emily】緊急警示被質疑對地震沉默 方保僑：需視乎嚴重程度發布
[2022.03.15] 發表
【明報專訊】廣東惠州市惠東縣海域噚日凌晨發生4.1級地震，天文台話震央位於香港東北偏東約92公里。唔少政界人士都畀地震嚇親，亦有人質疑上星期首次使用、耗費1.5億元建立嘅「緊急警示系統」喺地震時無警示，例如沙田前區議員黃文萱就喺fb上載圖片，話緊急警示無響到，質疑唔知係伊利沙伯醫院做定點醫院緊急啲，定係地震緊急啲。曾建議政府利用系統發布信息嘅資訊科技商會榮譽會長方保僑認為，地震不能預測，事後應否發布警示要視乎嚴重程度。
倡政府制訂使用系統指引
方保僑向Emily表示，「緊急警示系統」應該用於地震、海嘯等天災，地震事後應否發出緊急警示，要視乎傷亡情况，以免嚇親市民，而噚晚地震對香港嘅影響似乎唔大。佢強調，政府需要制訂使用系統嘅指引，畀公眾知道收到警示時，究竟代表情况有幾緊急。
天文台無通報 前台長：地震不能預測
天文台話接獲逾萬名市民報告感到數秒輕微震動。唔少網民質疑點解天文台冇通報，天文台前台長岑智明喺facebook話，地震並不能預測，所以「任何通報」只能喺事後發出。
更多港聞
【Emily】學生提早放「暑假」 海洋公園推網上魔術工作坊
【明報專訊】中小學同幼稚園學生陸續提早放「暑假」，唔少家長為安排活動畀仔女而煩惱。海洋公園將為5至8歲嘅小朋友舉辦網上魔術工作坊「媽呢媽呢@... 詳情
【Emily】洪為民重出江湖 向「愛心車隊」捐N95口罩
【明報專訊】港區人代、前海管理局香港事務首席聯絡官洪為民1月嘅生日會風波，牽連多個官員被特首批評，時任民政事務局長徐英偉更因此而下台。事件主... 詳情
【Emily】懲教消防齊換首長 黃國興楊恩健接任
【明報專訊】政府噚日宣布懲教署副署長黃國興，將會喺下星期四（24日）出任懲教署長，接替同日展開退休前休假嘅胡英明。消防處副處長楊恩健亦都會喺... 詳情
【明報專訊】因為第五波新冠疫情，懲教署上月18日已實施「鎖倉」運作，並推行病毒檢測，至本月初已累計有約1000名在囚者染疫。因為民主派初選案...
詳情
相關新聞
