【Emily】身邊4人中招 聶德權繼續陰性
[2022.03.15] 發表
【明報專訊】民建聯多名社區幹事近日陸續確診，包括中西區支部正副主席楊學明、楊開永，同埋油尖旺支部主席楊子熙。公務員事務局長聶德權一名政務助理亦確診，而聶德權嘅快速測試結果呈陰性，早前佢嘅太太、新聞秘書同另一秘書相繼確診，身邊已有4人「中招」，局長就好成功咁保持未有染疫。
民建聯3社區幹事確診
Emily噚日路經民建聯西營盤嘅地區辦事處，見門外貼出告示，話由於中西區支部主席楊學明快速測試呈陽性，辦事處將關閉至明日(16日)復工。該支部副主席楊開永早前亦確診，佢話染疫令自己更加明白確診者嘅需要，隔離期間仍然心繫街坊，繼續處理求助，部分個案就轉交黨友跟進。民記油尖旺支部主席楊子熙日前同樣確診，佢話未諗過退落嚟，帶病處理居民求助。
至於聶德權嘅政務助理，公務員事務局話佢主要喺辦公室工作，最近一次上班係3月12日(上周六)，其間有戴口罩同遵守防疫措施，當局會徹底清潔同消毒相關辦公室。
更多港聞
【Emily】學生提早放「暑假」 海洋公園推網上魔術工作坊
【明報專訊】中小學同幼稚園學生陸續提早放「暑假」，唔少家長為安排活動畀仔女而煩惱。海洋公園將為5至8歲嘅小朋友舉辦網上魔術工作坊「媽呢媽呢@... 詳情
【Emily】洪為民重出江湖 向「愛心車隊」捐N95口罩
【明報專訊】港區人代、前海管理局香港事務首席聯絡官洪為民1月嘅生日會風波，牽連多個官員被特首批評，時任民政事務局長徐英偉更因此而下台。事件主... 詳情
【Emily】懲教消防齊換首長 黃國興楊恩健接任
【明報專訊】政府噚日宣布懲教署副署長黃國興，將會喺下星期四（24日）出任懲教署長，接替同日展開退休前休假嘅胡英明。消防處副處長楊恩健亦都會喺... 詳情
【明報專訊】因為第五波新冠疫情，懲教署上月18日已實施「鎖倉」運作，並推行病毒檢測，至本月初已累計有約1000名在囚者染疫。因為民主派初選案...
詳情
城大馬鞍山學生宿舍動土 6大學百億宿舍發展基金7項目未動工
【明報專訊】立法會2018年批出逾百億元撥款成立「宿舍發展基金」（下稱基金），助6間資助大學加快興建學生宿舍，涉及15項工程。城大位於馬鞍山... 詳情相關新聞
