【Emily】《同舟共濟》改詞：必須抱着信心，一起去打針 楊哲安全家唱「抗疫歌」打氣
[2022.03.09] 發表
【明報專訊】唔少市民近期都足不出戶、留家對抗新冠疫情。自由黨區議員楊哲安(Jeremy)就同家人改編許冠傑嘅歌曲《同舟共濟》，喺屋企總動員獻唱兼伴奏，希望喺疫情期間為大家帶嚟正能量。
Jeremy向Emily表示，歌詞由佢改編，太太張新悅負責編曲，佢哋同4個女兒都有喺影片中一齊唱歌，歌詞提到「盡量自我檢疫，定能做到動態清零/必須抱着信心，一起去打針」、「實在極不願，人人害怕去搶菜搶茶/天天要做檢測，Stay Home不怕啦」。自幼已經鍾意聽許冠傑唱歌嘅Jeremy，希望對方聽到改歌後都會感到開心。
盼分享正能量 聽歌後唔好咁愁
Jeremy話，早前思考疫下有咩做，咁啱聽到阿Sam嘅《同舟共濟》，就浮現改歌嘅諗法。佢覺得若心理質素差，抵抗力都會下降，所以想藉此分享正能量，大家聽歌後都唔好咁憂愁。佢話，由於囡囡有學樂器，闊別樂壇多年嘅太太知道可以玩音樂亦馬上支持，由開始構思、改編歌曲，到完成拍攝用咗一個星期。至於老婆之後有冇打算復出，Jeremy就話要問番佢，相信老婆唱歌係為興趣，幫到人又做到自己鍾意嘅事，何樂而不為。
更多港聞
【Emily】婦女節致辭感謝助抗疫 林鄭：女性係一國兩制「堅實力量」
【明報專訊】噚日係3．8婦女節，特首林鄭月娥以視像方式致辭，特別感謝女性喺兩年多抗疫工作嘅貢獻，形容好多醫護、前線同幕後抗疫人員、義工都係女... 詳情
【Emily】新民黨選委諷全民檢測變「傳聞檢測」
【明報專訊】消息指政府計劃調整抗疫策略，現階段未必優先推行全民強制檢測。多個建制派政黨早前一直要求政府盡快落實全民檢測，消息一出，新民黨成員... 詳情
【明報專訊】政府總部繼爆發司機染疫潮，新一輪到多名秘書相繼喺新型冠狀病毒檢測中呈陽性，包括公務員事務局長聶德權嘅秘書。聶德權都算強悍，佢身邊...
詳情
相關新聞
