【Emily】身邊3人染疫 聶德權百毒不侵
[2022.03.09] 發表
【明報專訊】政府總部繼爆發司機染疫潮，新一輪到多名秘書相繼喺新型冠狀病毒檢測中呈陽性，包括公務員事務局長聶德權嘅秘書。聶德權都算強悍，佢身邊已累計有3人染疫，至噚日佢嘅病毒快速測試仍係陰性。其太太上月底確診，聶德權成為密切接觸者，一度要「居安抗疫」在家14天；佢一解禁返辦公室，又有佢嘅新聞秘書確診，至噚日其辦公室再添一名秘書染疫。
另外，肩負抗疫要務嘅食物及衛生局長陳肇始，其秘書噚日快測呈陽性，該秘書最近一次上班日期為3月4日，同日有與局長見面。食衛局話，陳肇始每日都有做新冠病毒快速測試，所有結果均為陰性，而為謹慎起見，陳噚日朝早再做專業拭子採樣檢測，化驗結果同為陰性。
勞工及福利局副局長何啟明嘅秘書日前檢測亦呈陽性，何啟明檢測無事，暫留家工作。
更多港聞
【明報專訊】基層家庭在新冠疫情下的經濟負擔百上加斤。民社服務中心調查發現，大多基層家長反映家中口罩、消毒清潔劑存量不足3個月，72%反映因經...
詳情
相關新聞
