【Emily】阿狄爭輸福利委會副主席 未見失落 話建制畀佢入晒心儀嘅會
[2022.01.22] 發表
【明報專訊】新思維社會福利界議員狄志遠(阿狄)早前表態，爭取擔任福利事務委員會副主席。佢噚日同Emily講，協調之後會由工聯會鄧家彪做副主席，估計因為對方議會經驗比較豐富。阿狄未見太失落，佢話建制派已經畀佢加入所有心儀嘅事務委員會，又話初步協調副主席一年後會換人，到時佢或可接任。
另外，阿狄話新思維早前計劃喺3月舉辦籌款晚宴，但第五波疫情爆發，現在距離晚宴原定時間只有個幾月，相信都搞唔成。阿狄承認新思維目前嘅財政狀况比較緊張，因為新思維本身規模細小，加上剛上任立法會議員，開設辦事處同聘請職員都已經用咗一大筆錢，目標希望籌到200萬元應付黨嘅運作。籌款晚宴告吹，阿狄話唯有嘗試用其他方法籌款，包括邀請支持者「揼心口」捐款。
籌款宴料告吹 新思維手頭緊
阿狄又話，已向立法會主席梁君彥申請就「童樂居」虐兒案提出緊急質詢，要求政府交代如何跟進事件，院舍內到底有乜問題，同營辦院舍嘅保護兒童會係咪適合繼續做兒童服務。
更多港聞
【Emily】政府請180秘書 近年多咗男士投考
【明報專訊】公務員事務局公開招聘180個二級私人秘書，為唔同決策局同部門提供秘書服務，包括文書處理、管理會議日程等，要求文憑試5科考獲第2級... 詳情
【Emily】琼姐溫提新丁 開設小組委會有限額
【明報專訊】立法會噚日召開內務委員會會議，會上討論多名議員提出想喺內會轄下成立小組委員會嘅建議，包括工聯會鄧家彪建議成立改革扶貧政策和策略小... 詳情
【Emily】小學搞網上京都遊 前區議員李志宏出「沙田zoom住遊」
【明報專訊】網上流傳青衣聖公會何澤芸小學搞Zoom遊學團，安排為期兩日嘅網上京都遊，每人750元，學校津貼後，學生實際畀400元。事件喺網上... 詳情相關新聞
