【Emily】政府請180秘書 近年多咗男士投考
[2022.01.22] 發表
【明報專訊】公務員事務局公開招聘180個二級私人秘書，為唔同決策局同部門提供秘書服務，包括文書處理、管理會議日程等，要求文憑試5科考獲第2級或以上，起薪點有16,565元，頂薪點仲有31,750元。香港文書職系公務員總會會長唐麗娥話，舊年有逾萬人申請呢個職位，預期今年都會吸引唔少人。佢仲話，二級私人秘書通過3年試用期後，可投考一級私人秘書，晉升前景好，而過往秘書經常由女士擔任，近年都多咗男士投考。
局方為咗請人，專誠拍咗短片放喺facebook，介紹二級私人秘書工作，話呢個職位平日接觸唔少機密文件，同唔同部門合作，所以要非常小心謹慎，並具備良好溝通技巧。
粉墨登場介紹嘅就係一個現職二級私人秘書，呢位男秘書分享應徵時要接受技能測驗，包括中英文書處理速度測驗，中文要達每分鐘20字，英文每分鐘50字，通過埋《基本法》測試，最後一關係面試。有意投考者可喺公務員事務局網站交申請，下月8日截止。
更多港聞
【Emily】琼姐溫提新丁 開設小組委會有限額
【明報專訊】立法會噚日召開內務委員會會議，會上討論多名議員提出想喺內會轄下成立小組委員會嘅建議，包括工聯會鄧家彪建議成立改革扶貧政策和策略小... 詳情
【Emily】小學搞網上京都遊 前區議員李志宏出「沙田zoom住遊」
【明報專訊】網上流傳青衣聖公會何澤芸小學搞Zoom遊學團，安排為期兩日嘅網上京都遊，每人750元，學校津貼後，學生實際畀400元。事件喺網上... 詳情相關新聞
