【Emily】琼姐溫提新丁 開設小組委會有限額
[2022.01.22] 發表
【明報專訊】立法會噚日召開內務委員會會議，會上討論多名議員提出想喺內會轄下成立小組委員會嘅建議，包括工聯會鄧家彪建議成立改革扶貧政策和策略小組委員會，民建聯劉國勳建議成立北部都會區發展事宜小組委員會，民建聯葛珮帆、周浩鼎同新民黨容海恩就提出成立研究政策事宜小組委員會。
今屆議會新人多，經驗豐富嘅內會主席李慧琼喺會議尾聲提醒大家，可以等各個事務委員會召開首次例會，討論來年工作計劃之後，再喺內會討論係咪成立上述小組委員會，建議都獲得議員支持。李慧琼又提醒，成立小組委員會嘅原則，包括如果明顯屬於某個事務委員會嘅範疇，應該喺該委員會討論或者喺其轄下成立小組委員會；以及同一時間最多只可以有10個小組委員會運作，所以唔應該喺會期之初用盡限額。
更多港聞
【Emily】小學搞網上京都遊 前區議員李志宏出「沙田zoom住遊」
【明報專訊】網上流傳青衣聖公會何澤芸小學搞Zoom遊學團，安排為期兩日嘅網上京都遊，每人750元，學校津貼後，學生實際畀400元。事件喺網上... 詳情相關新聞
