【Emily】葵青區會選副主席 建制派自動當選
[2021.11.10] 發表
【明報專訊】葵青區議會經歷辭職潮、區議員宣誓後，目前尚餘9個議員，建制派佔5人「重奪」主導權。葵青區議會原副主席張文龍早前辭職，區議會噚日重選副主席，建制派陳志榮喺冇競爭下自動當選。「選舉」過後，建制派區議員仲邀請埋民政事務專員鄭健等一齊喺會議室合照。
陳志榮係青衣鄉事委員會主席，屬當然委員。佢喺會後接受「獨媒」訪問，話相信能夠同民主派合作，認為每件事情都能夠妥協，雙方只係理念唔同，但佢同所有區議員同時都有傾偈、打招呼。陳志榮話出任副主席係希望幫到更多人，期望日後會議能夠順利舉行，目前有唔少民生工作要做。另外，葵青區議會主席梁錦威因支聯會案還押，冇出席噚日會議。
更多港聞
【明報專訊】香港民研噚日發表最新主要官員嘅民望，特首林鄭月娥最新評分35.7分，下跌1.3分，有32%受訪者畀林太0分，民望淨值係負42點；...
詳情
【明報專訊】又就嚟到年度叱咤樂壇頒獎禮，叱咤一向一票難求，昂坪360今年就搞咗個叱咤頒獎禮門票抽獎：只要搭昂坪來回纜車，其中一程係水晶車廂、...
詳情
【明報專訊】疫情持續一年多，小學限半日面授課，在校輔導及學生支援受影響。津貼小學議會主席胡艷芬稱，教育心理學家面見學生時間因半日課減少，輪候...
詳情
相關新聞
