【Emily】蔡明禧「踩場」質問 方國珊無應
[2021.11.10] 發表
【明報專訊】參選過5屆立法會選舉嘅「哪吒」、西貢區議員方國珊，噚日陪佢團隊嘅林素蔚報名參加新界東南地方直選，已報名同區參選嘅公民黨前成員蔡明禧，就一個人拎埋「大聲公」去「踩場」，質問上年政府叫停選舉前兩日先參選嘅方國珊，當時申報咗選舉開支260萬元「去咗邊」、「有冇單據」，話如果方國珊係有誠信、有擔當嘅人，會願意回答街坊問題。方國珊對被攻擊無回應，反而係在場為林素蔚站台嘅西貢區議員張美雄，攞住咪同蔡明禧各有各嗌。
張美雄話蔡食「人血饅頭」
張美雄話蔡明禧食咗「人血饅頭」，2019年借用「民主派」名義入區議會，質問蔡：「你有冇拎番人工出嚟，支持你所講嘅手足？」蔡明禧無回應張，只係不斷叫方國珊回應，後來宣誓大會差唔多開始，在場者係咁叫蔡明禧走，最後佢大嗌幾聲「一票不投方國珊」，之後轉身離去。新界東南參選人仲有民建聯李世榮。
更多港聞
【明報專訊】又就嚟到年度叱咤樂壇頒獎禮，叱咤一向一票難求，昂坪360今年就搞咗個叱咤頒獎禮門票抽獎：只要搭昂坪來回纜車，其中一程係水晶車廂、...
詳情
【明報專訊】疫情持續一年多，小學限半日面授課，在校輔導及學生支援受影響。津貼小學議會主席胡艷芬稱，教育心理學家面見學生時間因半日課減少，輪候...
詳情
【明報專訊】嶺南大學昨表示，2022/23學年將在大學聯招（JUPAS）增設「動畫及數碼藝術（榮譽）文學士」課程，培養學生創意藝術教育；翻譯...
詳情
相關新聞
