【Emily】陳茂波民望淨值兩點 特首司長唯一正數
[2021.11.10] 發表
【明報專訊】香港民研噚日發表最新主要官員嘅民望，特首林鄭月娥最新評分35.7分，下跌1.3分，有32%受訪者畀林太0分，民望淨值係負42點；財政司長陳茂波最新評分44.2分，創2018年2月以來新高，民望淨值有兩點，評分係特首同3司長中最高，亦係唯一民望淨值係正數嘅一人。
最新調查係喺10月29日至11月3日，以電話隨機抽樣訪問咗1004人，正值政府宣布進入政府處所要強制使用「安人出行」、有5個人涉嫌用假「安心出行」被捕，政府亦公布接種第3劑新冠疫苗嘅安排。
另外兩名司長嘅評分持續低水平，政務司長李家超得36.5分，民望淨值負6點；最低分嘅係律政司長鄭若驊，有28.8分，民望淨值係負39點，但佢嘅評分已經係2019年6月初以來最高。
更多港聞
【明報專訊】又就嚟到年度叱咤樂壇頒獎禮，叱咤一向一票難求，昂坪360今年就搞咗個叱咤頒獎禮門票抽獎：只要搭昂坪來回纜車，其中一程係水晶車廂、...
詳情
【明報專訊】疫情持續一年多，小學限半日面授課，在校輔導及學生支援受影響。津貼小學議會主席胡艷芬稱，教育心理學家面見學生時間因半日課減少，輪候...
詳情
【明報專訊】嶺南大學昨表示，2022/23學年將在大學聯招（JUPAS）增設「動畫及數碼藝術（榮譽）文學士」課程，培養學生創意藝術教育；翻譯...
詳情
相關新聞
