【Emily】撐做政府發言人反駁外國 林健鋒讚葉劉又講得又睇得
[2021.08.27] 發表
【明報專訊】外國就香港事務採取行動時，港府往往會發聲明回應，有議員認為力度唔夠，建議政府增設發言人，直接面對質疑、反駁外國政府。咁邊個適合做發言人呢？經民聯林健鋒喺噚日立法會會議上盛讚新民黨主席葉劉淑儀，「妳又講得又睇得，妳出去講嘢真係好多人聽㗎，我都代表各界多謝妳」。
葉太：要似鍾國斌謝偉俊咁靚仔
立法會噚日討論建制派議員謝偉俊提出嘅「果斷回應外國干預本港事務」議案，民建聯周浩鼎話以往港府只會出新聞稿回應，建議搵個發言人出嚟，認為宣傳作用較大，「起碼唔會輸個勢」。
葉太就話國家嘅外交部都唔係一個人，後面有一班人負責研究唔同議題，而港府最大問題係多年來都冇建立團隊負責對外宣講政策、反駁外國指控，「除咗一個talking head(發言人)，靚仔啲㗎啦，好似我哋鍾國斌議員咁，又或者謝議員(謝偉俊)咁之外，其實你背後有一個強大嘅團隊」。葉太不時接受外國傳媒訪問，佢話其他議員都有責任，「每個議員都有責任，多啲做BBC、CNN、Bloomberg嘅訪問；或者有(外國)議員、議員助理訪港時，都多啲接見佢哋，解釋香港嘅實况」。
更多港聞
【Emily】田北辰71歲牛一 想同林鄭交換禮物
【明報專訊】實政圓桌立法會議員田北辰（MT）噚日71歲牛一，佢喺facebook話最重要嘅慶祝活動係見特首林鄭月娥，仲要送上禮物——《施政報... 詳情
【Emily】迪士尼義工訪動物庇護中心 照顧毛孩
【明報專訊】狗狗同人類一樣重視友誼，但如果不幸被遺棄，佢哋就會失去依靠。早前一班來自迪士尼嘅義工到訪元朗幾間動物庇護中心，協助照顧被遺棄或者... 詳情
【Emily】邵家臻首探望 初選案吳政亨：有可能囚20年
【明報專訊】47名民主派初選案被告之中，有34人仍還押，包括吳政亨（Gordon，圖）。吳政亨被捕前唔係咁多人認識佢，立法會前議員邵家臻同張... 詳情
【明報專訊】高官音樂椅又郁動，土木工程拓展署長劉俊傑會喺10月8日晉升為發展局常任秘書長（工務），接替即將展開退休前休假嘅林世雄。另外，香港...
詳情
相關新聞
