【Emily】迪士尼義工訪動物庇護中心 照顧毛孩
[2021.08.27] 發表
【明報專訊】狗狗同人類一樣重視友誼，但如果不幸被遺棄，佢哋就會失去依靠。早前一班來自迪士尼嘅義工到訪元朗幾間動物庇護中心，協助照顧被遺棄或者曾經流落街頭嘅狗狗，幫手清潔同餵飼，仲帶佢哋出去散步。一眾義工希望透過呢個活動，宣揚「領養代替購買」，愛護狗狗及其他小動物。
早前有超過20名迪士尼義工參與活動，其中去咗阿棍屋動物暫託中心，協助打掃狗狗嘅生活空間，包括洗地板、更換籠底嘅報紙、清洗水碗等。阿棍屋負責人謝婉儀話，由於每年都有唔少動物被遺棄，中心不斷接收動物，現時容量已接近飽和，但中心只有兩個全職員工，平日工作量好多，所以感謝一眾義工過嚟幫手。阿棍屋喺2015年成立，𠵱家收留同照顧超過160隻動物，包括狗、貓、山羊、雀、烏龜。
更多港聞
【Emily】邵家臻首探望 初選案吳政亨：有可能囚20年
【明報專訊】47名民主派初選案被告之中，有34人仍還押，包括吳政亨（Gordon，圖）。吳政亨被捕前唔係咁多人認識佢，立法會前議員邵家臻同張... 詳情
【明報專訊】高官音樂椅又郁動，土木工程拓展署長劉俊傑會喺10月8日晉升為發展局常任秘書長（工務），接替即將展開退休前休假嘅林世雄。另外，香港...
詳情
相關新聞
