【Emily】土瓜灣過渡房入伙 保留大樹變休憩區
[2021.06.04] 發表
【明報專訊】唔少非牟利機構積極籌建過渡房屋，協助輪候公屋嘅基層家庭改善生活環境。由九龍樂善堂負責、位於宋皇臺道同土瓜灣道交界嘅過渡房屋項目，首批合資格家庭今個月正式入伙。項目樓高3層，提供110個1至3人嘅單位(圖一)，包括地下兩個無障礙單位，每個單位都附設獨立廚房、洗手間同浴室。
呢個項目係樂善堂首個租用政府土地、以「組裝合成」建築技術興建嘅過渡房屋，上年6月展開建築工程，今年2月下旬完成安裝所有組合模件，再做樓宇設備接駁、安裝、測試同申請入伙紙等工序。
九龍樂善堂總幹事劉愛詩話，興建今次項目最大挑戰係地盤中間有棵大樹，最初擔心會成建築限制，但經設計規劃後決定保留大樹，並喺樹同樓宇四周建綠化花圃區，令綠化空間佔整體建築面積達兩成，改善居住環境之餘，亦成為家庭共享休憩嘅地方。
樂善堂亦向政府申請彩虹彩興路一幅土地，將未來拆卸後嘅組合屋，搬去該幅土地重新組裝使用，項目已獲運房局撥款支持。
更多港聞
【明報專訊】公民黨前日喺facebook出帖向各方好友徵集二手家俬，話正密鑼緊鼓準備改造總部，希望新空間體現到循環再用及共建概念。公民黨秘書...
詳情
理大擬改建入口 閘機續留 曾稱社會事件後拆 學生校董轟無時間表
【明報專訊】理工大學明年85周年校慶，校方擬改建面向暢運道的校園入口。理大近日向師生及校友發信，提出3個改建該入口的設計方案，邀請他們就設計... 詳情
相關新聞
