【Emily】銅芯罩頻跣低 林鄭：或洗多鬆咗
[2020.06.24] 發表
【明報專訊】政府5月宣布向全港市民免費派發「銅芯抗疫」可重用口罩，一班問責官員都經常戴呢個口罩出嚟見人，特首林鄭月娥噚日開行政會議前都戴住見記者。不過，林太個口罩就唔多聽話，佢講嘢時口罩多次跣咗落去鼻下面，林太至少3次用手拉番上個口罩，但之後又跣過，搞到林太明明準備講「保就業」計劃申請數據，都忍唔住一邊整理口罩、一邊話「今日個口罩麻麻哋，唔知點解。可能洗得多呀，鬆咗」。
一邊整罩一邊講嘢
林太講完呢句，直程除低個口罩飲水，戴番又再跣過，不過佢直至記者會完結都冇再整理喇。Emily睇政府公布嘅記者會「答問內容」文字紀錄，就冇記錄低林太講口罩呢部分。Emily向特首辦查詢原因，同埋究竟林太個口罩洗咗幾多次搞成咁，特首辦只係話，新聞稿嘅開場發言同答問內容並非逐字記錄，未必包括同林太當時談及主題無直接關係嘅內容，例如特首同主持人或記者嘅簡短交流。
政府公布派「銅芯抗疫」口罩時，強調可以水洗同重用約60次。
更多港聞
【Emily】單張家庭照無太太容海恩 袁彌昌：屬新民黨唔方便
【明報專訊】加入咗田北俊「希望聯盟」嘅袁彌昌呢排密密喺港島落區做街站，又派單張介紹「誰是袁彌昌？」。單張上袁話自己喺香港土生土長，係戰略研究... 詳情
【Emily】3狐獴B未改名 海洋公園邀投票決定
【明報專訊】海洋公園喺疫情期間閂咗，園內動物被迫「隔離」，其間有3隻「疫情寶寶」狐獴喺2月出世，但仲未改名。海洋公園就提議咗3組名出嚟，邀請... 詳情
【Emily】鄧竟成做YouTuber 大談國安法
【明報專訊】近期唔少建制派加入YouTuber行列，前警務處長、政協鄧竟成近日都開咗YouTube頻道「成中話題」，同一名自稱嘭sir嘅建制... 詳情
【明報專訊】第13屆香港文學節喺中央圖書館展開，揭幕活動係「字旅．時光」專題展覽。展覽噚日起到下個月12號喺中圖展覽館舉行，分為「賞．自然」...
詳情
相關新聞
