【明報專訊】潮流興上連登，連經民聯立法會議員梁美芬都睇埋一份。繼早前點名讚揚連登仔有「清醒嘅人」之後，梁美芬拍片「你問我答」，回應連登仔嘅提問。對於連登仔質疑佢家屬有冇美國護照，佢未有正面回應，只係話「總之我一家四口都係中國人啦」。 食住花生「你問我答」 話說前日梁美芬出post，反駁有人發起聯署註銷佢嘅美國國籍，話《基本法》、《立法會條例》寫明，直選議員不能持有外國國籍或居留權。有連登仔開post提起，梁美芬噚日就拍片「你問我答」，仲真係食住花生睇網民留言。 有連登仔截圖話佢買金，指佢「人地(哋)一早買定金準備著草」，梁美芬就話「我廿幾歲開始買金喇喎」。有人問佢家屬有冇美國護照，佢冇正面回應，只係話「總之我一家四口都係中國人啦」，咁即係有冇美國護照呢？雖然梁美芬已經澄清自己冇美國護照，不過唔少連登仔都話照簽聯署，仲有人話佢係「此地無銀三百両」。
|
| |
| |
;){kind=small}
;)
