【明報專訊】步行被世衛列為「世上最好嘅運動」，但香港交通發達，好多人懶得行。世界綠色組織每年都會做問卷，調查港人步行習慣，上月就訪問咗500人，發現只有12%受訪者每日行至少30分鐘，比去年少17個百分點；三成受訪者話，就算5分鐘或以下車程都會先揀搭車。 5分鐘車程 三成先揀搭車 受訪者揀坐短途車兩主因係慳時間(80％)，同埋「天氣」(55.6%)，包括「太熱/太凍/落雨」。另有三成幾人達唔到康文署嘅基礎指標，即每星期至少3日，每日行最少30分鐘。 世界綠色組織今年以「尋找消失中的冬天」為題舉辦「地球?敢『動』行」活動，鼓勵市民以步代車減少碳排放。 天文台今年3月講過，上個冬天(舊年12月至今年2月)只有3日發出寒冷天氣警告(12℃或以下)，係有紀錄以嚟(1999年)最少。為氣候好，為健康都好，大家除咗周末遊行，平時都不妨行多兩步。
|
| |
| |
;){kind=small}
;)
