【明報專訊】抗日烈士紀念碑前日被發現有人用噴漆喺上面寫咗「反送中」等字眼。《環球時報》報道，前晚有一班市民夤夜去清理，其中一名中年人鍾華新話，由九龍行到元朗都搵唔到清潔黑色字嘅清潔劑，搵到後又「連夜驅車」個幾鐘先到紀念碑。報道又訪問咗一個有份清理嘅年輕人高松杰，佢話希望更多香港年輕人「不忘歷史，尊重英雄」。 噚日係「918事變」88周年(相關刊A15)，新社聯就聯同原東江縱隊港九獨立大隊老游擊戰士聯誼會去到紀念碑集會，新社聯梁志祥致辭話，抗戰期間中國人民獻出傷亡逾3000萬人嘅沉重代價，但喚醒咗中華民族嘅自強，佢感謝先烈為國家和人民所付出嘅一切。佢又對「烏蛟騰烈士紀念園」被塗污破壞予以最強烈譴責，認為係對當年保衛香港嘅抗日烈士極大侮辱，係令人不齒嘅懦夫行為。
|
| |
| |
;){kind=small}
;)
