【明報專訊】港鐵太子站8．31晚上發生警民衝突，連日嚟一直有傳言話當晚有人畀警察「打死」，警方、醫管局同消防處都澄清話並無其事。市民持續前往獻花、拜祭，並要求港鐵交出閉路電視片段。民建聯蔣麗芸(Ann姐)就特意喺facebook出post，話網上流傳太子站有6人喺被捕期間因斷頸而死，「Ann姐希望疑似死者家屬能向我辦提供死者名字，如事件屬實，我會跟進」 。 網民叫向港鐵索天眼片段 有網民隨即叫Ann姐向港鐵索取閉路電視片段，亦有人質疑提供死者名字係咪方便Ann姐「處理」家屬。Ann姐其後回應話可以向港鐵跟進，但「死者」家屬要先聯絡佢；又反問死者名單都未有，點解已經開始超度亡魂。 田北辰：搗亂婚禮係懦夫 另一邊廂，實政圓桌田北辰就話，知道市民關心太子站8．31事件，據佢所知，閉路電視片段會保留3年，「我會努力協助追查真相」。佢又批評網上不斷有人起底警員家屬、去警員婚禮搗亂，質疑行為同爭取公義有咩關係，「我只能總結為懦夫行為」。佢又希望市民反思，即使「成功」，剩低一個充滿仇恨嘅香港「真的是你們想要的嗎？」
|
| |
| |
;)
