【明報專訊】有網民發現，天水圍公園內嘅兒童遊樂場出面裝咗道鐵閘，但兩邊係好矮嘅草坪花槽，只要踏上草坪跨過就入到公園，有閘等於無閘，引嚟網民取笑。有網民話「可能過咗閘係結界呢」，亦有人覺得「應該係要嚟測試智商」；甚至有網民戲稱鐵閘做「隱形大閘」，同周星馳電影入面嘅「太陽能電筒」並列「四大發明」。 根據康文署網站介紹，除咗模型車場、網球場等康樂設施有開放時間限制，兒童遊樂場等公園設施都係24小時開放。Emily睇番Google map同一個地點嘅相，發現本身嗰個位有裝過閘，不過就無相入面嗰個咁高。 康文署話高度、款式同要求唔同 康文署話，天水圍公園近兒童遊樂場嘅鐵閘喺上年颱風「山竹」襲港時爛咗，今年6月中裝番，但高度、款式同康文署要求嘅有啲唔同，已經向有關部門反映，要求更換，會再跟進。 Emily喺度都要提提大家，亂踩公園花槽草坪係唔啱㗎！
|
| |
| |
;){kind=small}
;)
