【明報專訊】旅遊發展局將於10月13日舉辦新一屆「新鴻基地產香港單車節」，今屆30公里同50公里組都各增加咗200個名額，又新增「繽紛型格單車樂」活動，參加者可以著上別出心裁嘅創意服飾，同親友一齊享受猶如置身嘉年華嘅騎行樂趣。 50公里組今年設3300個名額，將繼續挑戰「三隧三橋」，途經青馬大橋同汀九橋等地標，仲要經過近尖山隧道嘅1公里長斜坡，斜度為6%，適合具速度耐力同豐富經驗嘅單車手參加，參加者平均時速要達29公里。 30公里組則設2000個名額，參加者要登上斜度約4%嘅昂船洲大橋，逆風踩可能就會比較吃力喇。連同其餘家庭單車樂等比賽，大會將喺下周三(7號)朝早10時起至20號接受網上報名，名額有限，額滿即止，部分報名費將撥作慈善用途。
|
| |
| |
;)
