【明報專訊】特首林鄭月娥上月出席特首答問大會，畀議會陣線毛孟靜話佢講大話，立法會主席梁君彥隨即將毛逐離場，之後解釋話「講大話」係「非議會語言」。公民黨黨魁楊岳橋(AY)噚日�鐪acebook發帖，發現立法會秘書處更新《主席手冊》，將「講大話」列為「被裁定為不適宜在議會使用的言詞」，即係話「特首講大話」同粗口一樣，�鶭雪|都係唔准講。

AY質疑，咁即係話立法會各級主席「必須保障官員在立法會講大話的權利，邊個話特首講大話，就掉邊個出去(趕出會議室)」。

早前民主黨尹兆堅向林太提不信任動議時，亦曾話林太回應修例�翵末蚴Y「講大話」、試圖誤導市民同國際社會，當時立法會代主席李慧�k提醒議員，「講大話」已被主席裁定為侮辱、冒犯性，議員唔應該話特首「講大話」，否則會被裁定為行為不檢點。

睇番主席手冊，過去同樣被裁定為不適宜議會使用�翵扔�，包括「仆街」、「狗屎法律」。主席手冊另外都記載多句被裁定對議員、官員具冒犯及侮辱性�翵扔�，包括梁耀忠以「臭坑出臭草」批評特首選委制度，以及「厚顏無恥」、「閹人」、「狗奴才」等。