【明報專訊】民主黨前主席劉慧卿(卿姐)嘅吻一直被稱為「勝利之吻」，曾經吻過嘅公民黨楊岳橋，民主黨林卓廷、鄺俊宇，都先後當選立法會議員。噚日又有一位幸運兒得到卿姐「眷顧」，獲得呢個幸運嘅香吻喇。

卿姐(左)噚日下晝post相上facebook，其中一張見佢捧住一個男士嘅臉頰，送上香吻。呢位幸運兒就係法政匯思發言人、大律師蔡騏(右)！

蔡騏向Emily透露，嚟緊將會去美國公幹幾個月，所以最近同朋友食飯餞行。佢噚日下晝就同卿姐食lunch，佢話社運界一直流傳卿姐「勝利之吻」嘅講法，佢都希望得到卿姐「眷顧」，所以主動索吻。Emily喺度祝蔡騏公幹順利，一路順風啦！