【明報專訊】立法會噚日討論由勞工界議員潘兆平提出、將「抗日戰爭勝利紀念日」列為法定假期�巀陪�議案，熱血公民鄭松泰發言時趁機批評政府「涼薄」，話加多一日假都唔肯，又將長者綜援申請�鵀X資格年齡由60歲提高至65歲。佢建議將法定假期加多兩日，就係母親節同父親節翌日，話「百行以孝為先」。

鄭松泰發言時話，抗日戰爭勝利紀念日其實同香港無咩關係，而係同盟軍有關，所以佢有保留，但若將個名改為「重光紀念日」就「OK」。佢提到，如果因為紀念民族苦難而要將法定假期加至18日，認為「沒有家哪有國」，咁父母親節翌日都應該要放假，「以重塑香港核心價值，以家為本同根」。

自由黨主席、飲食界議員張宇人話，自由黨唔反對將抗日戰爭勝利紀念日新增做法定假期，因為商界負擔唔會增加，但佢建議取消五一勞動節假期，話因為只係工人放假，老闆要返工喎。