【明報專訊】特首林鄭月娥喺《施政報告》中提出「明日大嶼」願景，引來爭議不斷，早前有5800人遊行反對。《人民日報》海外版噚日就刊登題為「『明日大嶼願景』燃點香港未來」嘅評論文章力撐計劃，以「何不食肉糜」批評政客「為反對而反對」、「言行可憎」。 指為反對而反對言行可憎 民間不少聲音要求先發展棕地同重建舊區解決土地問題，文章就分別話會遭遇多重掣肘、杯水車薪，大讚「明日大嶼」跳出舊格局同務實創新，又話有少數政客「何不食肉糜」，「不問民生訴求、無視發展瓶頸，只破不立，一貫傳遞負能量，繼續為反對而反對……未免言行可憎」。 文章引述林鄭話「明日大嶼」願景意在抓緊大灣區發展機遇，係長遠規劃，亦會解決房屋問題燃眉之急，「有的人只盯着眼前蠅頭小利，用一天算十年甚至幾十年的帳，這種一孔之見並不高明」。 尹兆堅批唔知香港情?加把嘴 曾表示對「明日大嶼」計劃強烈不滿嘅民主黨尹兆堅強調，高球場、農地同部分解放軍用地都係可以利用嘅土地資源，所以香港唔係冇地，而係土地資源分配不均，批評文章作者唔知香港實際情?就加把嘴，相當唔公道，先至係真正嘅「何不食肉糜」。
|
| |
| |
;)
