【明報專訊】國家級基建港珠澳大橋今日舉行開通儀式，一眾獲邀出席?建制派、嘉賓及官員，噚日百幾人一齊搭政府包船去珠海。今次活動大家都知有國家領導人出席，保安極嚴密，主辦單位人員向嘉賓講明，今朝5點半食早餐，6點半至7點半安檢，9點舉行儀式，10點40分完成典禮，仲講明大家一分鐘都唔可以遲到。至於記者，就要提前?6點10分集合做安檢。 泛民無獲邀 陳恒鑌：要諗?點解 港府邀請?嘉賓，噚日下晝4點浩浩蕩蕩由上環坐船去珠海，香港隊伍由特首林鄭月娥率領，其他出席者包括前特首梁振英，一眾人大代表、政協常委，部分建制派立法會議員等。內地人員提醒，因保安理由，今日唔准帶任何電子儀器出席活動，包括手機同相機，咁大家應該唔可以再影?身撐大橋「打卡」等相片。 今次活動「安全系數」要高，泛民無獲邀請。有份去珠海?民建聯陳恒鑌噚日就?電台上話儀式由珠海主辦，「(內地單位)都唔知香港係點，見到電視畫面，有班人逢親(出現)場面都好鬼亂」，可能因此擔心有隱憂，佢又話「要考慮點解我?香港立法會會畀人有一種咁嘅印象」。 另外，醫學界議員陳沛然就?facebook話有收到邀請，但因為有活動及睇症，未能出席。 林健鋒生日撞正儀式日 公民黨譚文豪則批評「唔係自己友就請都唔請」，認為大橋工程用?香港大量公帑，即使獲邀都唔會出席。另外，原來經民聯林健鋒今日生日，可以同大橋開通一齊慶祝，佢黨友就早一日安排飯局同佢賀壽，佢個仔林凱章都有?。林健鋒生日願望係身體健康同家庭幸福，黨友梁君彥就祝佢早日做老爺！
|
| |
| |
;)
