新春酒會致辭 林鄭重提「我有狗那份忠誠」
[2018.03.01] 發表
【明報專訊】特首林鄭月娥噚日喺禮賓府舉辦新春酒會，除咗全日忙於財政預算案嘅財政司長陳茂波、正外訪嘅民政事務局長劉江華外，大部分官員都有出席，林鄭喺致辭時就同一眾嘉賓講到，呢個狗年新春酒會，令佢諗起上一個狗年，即係2006年佢喺倫敦主持嘅新春酒會，當時佢就形容自己雖然生肖唔係屬狗，但「我也有狗那份忠誠」。
林鄭話，當時佢喺倫敦經貿辦主持酒會，本應要喺英國工作3年，但2006年政府急召佢返香港，當時佢只做咗一年幾，因為佢要返香港做民政局嘅常秘，籌備北京奧運，佢話當時都好唔捨得份工，喺英國好多朋友，但作為忠誠嘅公務員，公務係佢嘅優先考慮。佢話一個12年過去，但忠誠仍然係做公務嘅人最重要嘅核心價值，亦係佢對管治團隊最大嘅要求，要忠於國家、忠於香港，誠心誠意地為香港市民服務。
現屆政府同民主派議員關係唔錯，噚日酒會亦有部分泛民出席，包括專業議政嘅葉建源、梁繼昌、莫乃光，同埋民主黨黃碧雲等，其中葉建源就話佢席上有向林鄭表達預算案教育部分嘅不滿。
實政圓桌議員田北辰噚日出席酒會遲到，佢形容自己錯有錯着，因為當時好多嘉賓都走晒，但特首同官員就仲喺度，令佢反而有時間同官員詳細傾，「將我啲訴求講哂出嚟」！
更多港聞
【明報專訊】電影《胭脂扣》中，名妓如花（梅艷芳飾）穿起男裝唱小曲，迷倒張國榮（哥哥）扮演的十二少，呢個經典一幕應該好多人記得。今年係哥哥同梅...
詳情
明年DSE免費 考生料省2900元 2億推廣閱讀 推圖書車入幼園
【明報專訊】財政預算案除向基層學生派錢，亦擬替明年香港中學文憑試（DSE）的考生代繳考試費，若以今年費用估算，報考6科的學生可省2894元，... 詳情
【明報專訊】政府自2003年起推出配對補助金計劃，協助高等院校籌款開拓經費來源，預算案建議撥款25億元，為10間專上院校推出新一輪計劃。
...
詳情
【明報專訊】財政預算案提出的教育總開支1137億元，中小學的「硬件」也能分一杯羹，全港約100所未有升降機的官津中小學有望於2026年前加裝...
詳情
相關新聞
