天鴿折花 花農心折 雨中護花 終明老父辛酸
[2018.02.11] 發表
【明報專訊】惡劣天氣期間任何風吹草動，都會觸動花農神經。阿漢小時候只知父親冒雨外出「護花」，「望住睇吓爸爸返來未，以前絕對唔會出去」，如今他要親力親為，方知箇中辛酸，若遇上十號、八號風球就更狼狽，「好似𠵱家新聞啲人出去睇浪咁，著住雨褸，橫風橫雨，企都企唔穩，跟住就要揸住個鋤頭去清積水」。
離家絕不過3日 另一種「困身」
阿漢棄商從農後，工作時間較為鬆動，不用朝九晚五坐辦公室，隨之而來的是另一種「困身」，從此要告別長途旅行，「以前去5日、7日都無問題，但𠵱家做呢度(桃花園)，完全唔可以走太耐，3日就要返來淋水」。
每逢打風落雨，阿漢都會精神緊張，「基本上翻風落雨都唔會出街，要在家留守」，時刻留意天文台資訊，有時徹夜難眠，就拿起電筒去巡視桃花情况。
去年8月，十號風球「天鴿」襲港，阿漢冒着狂風大雨，用繩索和架起的鐵通，固定桃花的根部，無奈「送咗幾棵(桃花)畀天鴿，畀佢打死咗幾棵」。他續說，「當時斷了兩棵，事後發現桃花被狂風搖到啲根傷晒，打完風過咗一排，啲花先慢慢死，舊年打風損失咗10棵花」。
10號波摧10棵花 憂客難得心頭好
桃花被風暴摧毁，阿漢感到心痛，「無錢收嘛，做咗大半年，突然畀人打爛個飯碗，當然心痛啦」，但他並非看重得失成敗，反而擔心顧客無法買到心頭好，「今年我哋大花確實少咗，𠵱家都要同幾個客解釋番，『今年無大花，揀細少少啦，我留咗啲細花畀你』，希望啲客諒解」。
更多港聞
暖爐燃坐墊焚豪宅 菲傭命危 專家：雙管式暖爐高溫風險較大
【明報專訊】九龍塘一個住有一家四口和菲傭的逾千呎老牌豪宅單位，昨凌晨疑有舊式電暖爐而燃着椅子的坐墊觸發火警，一家倉皇逃生，起火大廈共50人疏... 詳情
【明報專訊】臨近春節，本港各區氣溫昨日回暖，市區溫度一度逾20℃，觀塘、九龍城及跑馬地等地更高達24.2℃。天文台昨午再發出寒冷天氣警告，表...
詳情
相關新聞
