【明報專訊】特首林鄭月娥一上場就要求其班子兩年內要去足18區，商務及經濟發展局長邱騰華噚日就去到九龍城區，並參觀香港盲人輔導會盲人工廠，仲對工廠創立「木廠街19號」呢個自家品牌感到高興 。呢間工廠為視障及其他殘疾人士提供多元化工作同訓練機會，其間局長了解殘疾人士學習紙箱製作(圖)、產品包裝等工作訓練情况。佢對於工廠成立自家品牌，由殘疾人士製作多款布藝產品，喺社區推廣和銷售感到高興，讚揚工廠鼓勵殘疾者發揮創意，同政府推動創意產業嘅政策目標一致。

環境局長黃錦星下晝就去咗西貢區，參觀將軍澳一所中學同埋興建中嘅賽馬會香港足球總會訓練中心，並與區議員就環保議題交換意見。佢話環保署最近開展咗新一輪嘅乾淨回收宣傳及公眾教育運動，並制定《大型活動減廢指南》，呼籲區議會籌辦地區活動時都可以減少廢物。