維園綵燈會 「月亮氣球」受歡迎
[2017.10.05] 發表
【明報專訊】噚日中秋節天氣麻麻，天陰多雲，仲不時有幾陣雨，但都無阻市民出外共敘天倫，維園嘅綵燈會依然人山人海，大家扶老攜幼嚟賞月，氣氛熱鬧。康文署上月尾起至本月8日喺維園、沙田公園同青衣公園展出多組綵燈，當中維園嘅光影裝置「尋月」，融合波波池同尋月意念，遊人可以喺100個氣球入面搵「月亮氣球」，拍打後仲會發光。唔少家長特登帶小朋友玩，結果排隊嘅人龍長到見唔到龍尾。除咗玩遊戲，亦有唔少人喺附近草地野餐，食住月餅同水果，賞月之餘同朋友玩花燈同小遊戲。
中秋節又點少得已被列為國家級非物質文化遺產嘅舞火龍呢，一連四日嘅舞火龍前晚喺大坑率先上演，特首林鄭月娥噚晚亦有出席2017大坑舞火龍盛會，與民同樂。同一時間，維園同薄扶林村噚晚都有舞火龍表演，吸引多人觀賞。
更多港聞
【明報專訊】過時過節，唔少政界人士都會落區，今年6月退出民協嘅民協前主席莫嘉嫻，前晚趁迎月夜喺九龍城馬頭圍、即係佢以前嘅選區，為街坊舉辦迎月...
詳情
【明報專訊】立法會財委會聽日選舉正、副主席，建制派議員預咗推舉保險界陳健波連任主席，波哥噚日就喺facebook話準備報名參選，希望得到所有...
詳情
相關新聞
