【明報專訊】廚師前年送相識9天嘅醉酒女友人返家時，借醉將對方強姦，噚日被裁定強姦罪成，判囚6年半。案件之前7日都用英文審訊，陪審團一直都冇話過聽唔明，噚日佢哋退庭商議嘅時候就發生「小插曲」，突然同外籍法官講話唔明審訊中提及「Acquit」一詞點解，要求提供中文翻譯。 案中被告被控一項強姦罪。陪審團噚日退庭商議個幾鐘之後，突然提出要問「Acquit」一詞嘅中文翻譯，結果法院變身英語教室，審理案件嘅外籍暫委法官司徒冕就解釋，「Acquit」即係「Not guilty(無罪)」之意，仲順便講埋話「Convict」即係「Guilty(有罪)」，法官之後都忍唔到，笑住話應該都冇得再解釋得簡單啲。
|
| |
| |
;)
