書展專題展 記者借出中東服飾

新華社前駐以巴地區記者、現任端傳媒國際新聞總監周軼君（圖）攞咗佢喺以巴採訪時著嘅長袍同頭巾，仲有佢喺當地拍攝嘅「哈馬斯小戰士」相片（左下）做展品。佢話中東要求女士著長袍，著住佢唔能夠快跑，令佢有時影唔到啲突發新聞相。（植敏欣攝）

書展展覽廳3樓外設有專題展覽，展品包括極地探險家李樂詩喺北極採集嘅北極棉（圖），北極棉嘅纖維睇起嚟比香港見到嘅木棉花粗，一個棉球裏面包住好多粒種子。（植敏欣攝）

【明報專訊】香港書展將於今個月19日至25日舉行，今年以「旅遊」做主題，特設專題展覽，展出唔同旅遊作家、探險家嘅收藏品，其中包括戰地記者喺以巴地區著嘅服飾、極地探險家李樂詩喺北極採集嘅北極棉。

新華社前駐以巴地區記者、現任端傳媒國際新聞總監周軼君就拎出佢喺以巴採訪時著嘅長袍同頭巾，仲有佢喺當地拍攝嘅「哈馬斯小戰士」相片。周軼君話，當地宗教認為頭髮係邪惡嘅，所以婦女外出基本上都要著長袍同頭巾，佢試過唔記得戴頭巾出街，被小孩掟石頭。

周軼君又話，當年採訪武裝組織哈馬斯活動時，見過一個五六歲嘅女仔著晒戰士服飾、手執玩具槍，被推上台歡迎當地領袖，佢見到小朋友天真無邪嘅眼神同當下嘅氣氛形成強烈對比，所以即刻影咗張相，「哈馬斯小戰士」呢張相其後被多個外國通訊社採用。

專題展覽設喺書展3樓展覽廳外，同場仲有相展，相片由《國家地理雜誌》提供，展出40幾幅捕捉到香港唔同地方、人文風景嘅相，其中包括之前贏過2015年國家地理攝影大賽青年組冠軍、Kelvin Yuen嘅作品。

更多港聞

立會外請願一度推撞

【明報專訊】多個團體噚日趁新任特首林鄭月娥首次出席立法會答問大會，喺立會大樓外請願，表達唔同訴求。有元朗橫洲村民，要求新政府同村民商討規劃橫... 詳情

想做IT學歷不夠 改做侍應 中學生休學打工 重拾學習動力

【明報專訊】有中學生因對前路感迷惘，欲在學業上「停一停，想一想」，香港青年協會（青協）因而舉辦就業計劃，讓年滿16歲、在學業遇到「樽頸位」的... 詳情

七成參加者最終重返校園

【明報專訊】青協自2014年至今已舉辦3屆「青年就業導航GPS計劃」，去年共20名學生參加，參加者可於學校保留學位，獲准休學約一年，除可體驗... 詳情

浸大教授獲中科院「科學計算獎」

【明報專訊】浸會大學數學系主任及講座教授吳國寶，憑着數值線性代數求解結構化的線性系統研究，以及圖像處理中數學及計算方法的貢獻，獲中國科學院數... 詳情

時事通識教材．時事焦點：兒童志願三甲：明星、運動員、遊戲設計師

【明報專訊】涉及單元：個人成長 （圖1） 概念詞彙︰生涯規劃(Career planning) ■考考你（進階級）﹕ ... 詳情