吳綺莉：我個樣似多過佢 四圍撲憔悴 避談卓林自殺傳聞
【明報專訊】吳綺莉昨日繼續為女兒吳卓林在頻撲！卓林前日由泰國返港，據稱因身體不適被送到銅鑼灣聖保祿醫院留醫。吳綺莉連續兩日也到醫院照顧女兒，記者追問有關卓林因自殺而入院的傳聞？吳綺莉回應說：「你睇我個樣似(自殺)多過佢(卓林)囉！」
採訪：梁迺楠
昨日中午12時許，吳綺莉駕車離開大坑寓所往醫院探望女兒，連日的奔波令她極憔悴。吳綺莉落樓攞車時，對記者追問有關卓林的情况也不願多講。她稱不懂怎樣說，女兒只是一個17歲的細路女。她抵醫院便對追訪的記者說：「我無嘢講，唔好搞到醫院。」至於卓林的情况是否好轉？她是否不用擔心女兒？吳綺莉稱：「係！你們不要跟住我，畀我處理屋企事。」
「她只是一個17歲細路女」
前日有傳卓林因自殺被送入院，問吳綺莉會否作澄清？她表示：「你睇我個樣似(自殺)多過佢(卓林)囉！總之屋企有啲事，小朋友有啲事，但嗰日(記者會)講得很清楚，都係唔講喇！(卓林是否腸胃不適？)現在睇緊醫生。(留院多久？)真係未知，我現在要處理，畀時間我處理。(與囡囡溝通過，感情好啲？)唔知呀，畀我搞掂咗先。」問她是否想卓林的父親成龍往探女兒？她稱現在很想快些處理自己的問題。問到會否接卓林返家？吳綺莉說不由得她決定，希望大家體諒。
「佢唔舒服 未知何時出院」
吳綺莉在醫院逗留了一個多小時後才離開，她駕車返家途中在士多買飲品與煙。下午2時45分，她返抵寓所時講了一陣電話才準備上樓。再被問卓林的情况？她表現不耐煩了，她說：「都話咗佢(卓林)係唔舒服，身體有啲問題。」她暫未知女兒何時出院。問到有否跟卓林傾偈？她表示：「無呀！(她心情如何？)很多人睇住佢，有醫生又有護士。」問到醫生有否講卓林的病情？她說不方面講。
朋友相伴 中環睇醫生
由於吳綺莉被記者包圍，她忙亂得開門時稱不知道鎖匙怎樣用。吳綺莉返家逗留一陣再出外，她到中環睇醫生，身邊有朋友相伴，精神很差。
