【明報專訊】特首候選人曾俊華噚日馬不停蹄，走訪海怡半島、北角、銅鑼灣同中環同市民見面，曾俊華去到邊都畀大批市民包圍，個個都話要同「薯片叔叔」影相。

Emily雖然畀人逼出核心嘅外圍，但見到曾俊華競選團隊成員、之前林鄭月娥曾經公開讚賞過嘅羅永聰(圖右)都好受市民歡迎，唔少市民一眼就認得羅永聰，仲好親切咁叫佢「阿聰、阿聰」，又話要同佢影相，阿聰亦來者不拒，不停成為「集郵」嘅對象。