【明報專訊】政務司長林鄭月娥噚日喺政府總部西翼大堂會見傳媒，宣布辭職嘅決定，林太見記者時，背景有「飛龍」香港品牌標誌嘅易拉架。上個月曾俊華喺同一場地宣布辭任財政司長時，就唔見有「飛龍」，唔通「飛龍」只係撐林太？ 政府新聞處官員噚日喺記者會現場就同大家解釋「飛龍」重現嘅原因，話原來上次曾俊華無「飛龍」背景，係因為當時曾俊華嘅新聞秘書認為背景太花，所以提出要拎走。而噚日無人提出呢個要求，所以「飛龍」繼續存在。 林鄭月娥辭職咁大件事，記者會吸引近百記者採訪，喺林太現身前十幾分鐘，有新聞處人員突然用普通話問﹕「新華社在嗎？新華社在嗎？」新華社喺記者會完結後，都有報道林太辭職一事。
|
| |
| |
;){kind=small}
;)
