【明報專訊】近日網上流傳農曆新年前後將會出現極低溫天氣，又「引述」天文台預計今年可能係「香港史上最冷的春節」，信息仲附有天氣預報，顯示月底連續多日氣溫跌到0℃以下，最低-5℃，講到似層層，叫大家準備定禦寒衣物。 Emily問過天文台高級科學主任宋文娟，佢就澄清呢條信息係假嘅。 天文台噚日亦都有發網誌，以「謠言又來了，智者請小心」為題，提及天文台無公布兩星期後嘅逐日天氣預測；又指以目前科學水平，要準確預測10幾日甚至20幾日後嘅天氣詳情，仍然係困難嘅，只能夠參考全球氣候模式，由宏觀角度睇中長期天氣變化趨勢，暫時無迹象顯示農曆新年期間氣溫會跌至攝氏0度以下。 提醒市民勿轉發 其實呢類虛假信息不時透過社交網站同通訊軟件流傳，天文台網誌提醒大家唔好相信以訛傳訛嘅消息，更加唔應該轉發畀其他人。 如果關心本地天氣概况，可以瀏覽天文台網頁、手機應用程式或者社交平台，直接獲取最新資訊。
|
| |
| |
;)
