亞洲素食友好城市 港排第六

【明報專訊】香港近年掀起素食熱潮，唔少人為追求健康同環保而選擇素食，素食食肆亦應運而生，亞洲善待動物組織(PETA Asia)最近列出亞洲十大「素食友好」城市，香港排第六，第一位係台北。PETA Asia副總裁貝克(Jason Baker)大讚香港提供「零殘忍」美食，認為香港不單滿足素食者嘅飲食需求，仲為環境同拯救動物作出貢獻。

PETA Asia推薦咗唔少本地純素餐廳同菜式，形容香港素食文化非常流行，作為素食者可以享受不同選擇，由全蔬菜餐單，到素雞串同素蛋都享受到；香港亦有素食超市，好容易就買到各種素食食品。貝克就補充，無論食客想品嘗以大豆製作嘅「雞塊」，或者不含雞蛋嘅朱古力窩夫，喺香港都可以輕鬆搵得到。

至於「素食友好」城市頭五位，順序為台北、新加坡、泰國清邁、菲律賓馬卡蒂同印度班加羅爾；第七至十位就係泰國曼谷、印尼峇里島、越南胡志明市同上海。PETA Asia稱讚台北有無數食肆提供嶄新素菜，當地推動動物權益人士亦組成有力社群；而素食喺新加坡愈趨盛行；清邁有大量具創意又好味嘅菜式之餘，同時善待動物。

更多港聞

港台兩節目附尼泊爾語字幕

【明報專訊】香港少數族裔問題一直缺乏關注，為咗照顧佢哋嘅需要，香港電台電視部舊年4月首推全港第一個輔以印尼語字幕嘅節目，協助印尼語人士加深認... 詳情

倘歷史合教 須中史為主 教局：類近獨立成科 被批轉彎抹角

【明報專訊】港獨潮下將初中中國歷史獨立成科的訴求增加，教育局提交立法會的文件指出，根據2016年底完成的《中學教育課程指引》，學校在初中若將... 詳情

懷舊小食重新包裝 THEi舊生奪設計大獎

【明報專訊】叮叮糖、糖葱餅、水泡餅及龍鬚糖等本港懷舊小食，現時已買少見少。香港高等教育科技學院（THEi）畢業生葉雯彥熱愛地道小食，眼見懷舊... 詳情

時事通識教材

【明報專訊】（請看附圖） 詳情

時事議題：2016香港 大事回顧

【明報專訊】2016年，「黑天鵝效應」多次出現。香港在立法會選舉後，迎來人大第5次釋法，司法獨立被指受衝擊；英國通過脫歐公投；美國總統大選由... 詳情