【明報專訊】曾俊華(John)向特首梁振英請辭財政司長一職已經超過一個星期，休假唔使返工嘅John噚日行山時就被大批女學生包圍，排隊爭住同佢影相，仲有女士捉住曾俊華隻手，好似含情脈脈望住佢作勢想錫埋落去咁，曾俊華就以招牌笑容回應所有粉絲。 曾俊華噚日喺facebook上載同女學生嘅合照，佢話之前要返工嘅時候，慣咗喺屋企一邊做運動一邊睇新聞，噚日就去咗山頂盧吉道晨運，仲撞到一班瑪利諾修院學校嘅師生同家長。 佢話以前自己讀喇沙書院，「MCS(瑪利諾)是喇沙的好鄰居」，仲指喺山頂都見到瑪利諾學生，真係好有緣！曾俊華跟同學仔一齊做最近流行嘅「整心心」手勢，仲話「成個人立刻青春晒」。 查實噚日係瑪利諾年度嘅步行籌款活動，所以大批師生家長都喺山頂，有網民仲影到排隊同曾俊華影相條龍打晒蛇餅。除咗學生，唔少行山客都爭住同曾俊華影相。John𠵱家休假多咗時間周圍去，睇嚟市民近期都好有機會可以野生捕獲佢嘞。
|
| |
| |
;){kind=small}
;){kind=small}
;)
