【明報專訊】丁屋政策近年引起爭議，鄉議局噚日就舉辦捍衛原居民合法傳統權益聲討大會，批評政府無做好房屋政策，但將責任推卸畀原居民，鄉議局話有逾6000人參與。鄉議局主席劉業強話，過去同政府政策立場高度一致係忍辱負重，無收過任何維穩費，但原居民合法權益唔受政府保護，仲被攻擊，好似丁屋政策被指浪費資源等，聲言「唔好逼我�]走上抗爭之路」。

噚日呢個活動，多個鄉事派都有出席，好似鄉議局副主席張學明同林偉強，鄉委會主席曾樹和、梁福元、侯志強等。劉業強話，《基本法》第40條保護新界原居民合法權益，政府有責任履行，而唔係逼佢�]去「維權」。

除�鰶m事同部分建制派，已宣布參選特首�黻h休法官胡國興亦有出席，佢指特首梁振英話丁屋政策無以為繼，係誤導性、不負責任，佢贊成研究容許丁屋，尤其係市鎮周邊�鴾B屋向上發展，又建議丁屋可以起多幾層，以更充分利用資源。呢番言論，當然令台下人士拍手讚好。

胡官贊成丁屋起高�齱A莫非想向鄉議局拎票？胡官就話唔係，強調如果佢�]有合法權益，梗係支持，並唔係提名唔夠先出席活動。劉業強亦話，未傾向支持邊個特首參選人，會視乎班底同政綱。